Player Profile

Milvienne Henriquez

RCA Foward

Nationality :Dutch
Date Of Birth :10 Maart 1991
Height :1,63 m
Weight :53 kg

Milly a wordo introduci cu futbol na basisschool ora di gym caminda e tawata hunga cu e damasnan como tambe mucha hombernan.

Cu 12 aña Milly a cuminsa practica futbol cu su tanta nan pa e ekipo di Tanki Leendert, esta Juventus. Cu e ekipo aki Milly a hunga un par di wega e.o. wega amistoso contra di college di merca. Despues di poco tempo Milly no a practica e deporte aki mas. Futbol tawata simplemente un deporte extra cu Milly tawata encanta. E deporte di softball e momento ey tawata loke Milly a dedica su tempo na dje.

Den ora liber Milly tawata cana bai cu su prima na veld di Sportboys pa entrena cu e mucha hombernan di Sportboys. Tambe Millly tawata bai na su basischool den ora nan di anochi te marduga pa hunga zaal.

Na Colegio Arubano un amiga di Milly a invit’e pa hunto nan cuminsa practica futbol na Solito esta RCA. A cuminsa entrena pero despues di un tempo tata di Milly a nenga pa Milly hunga campeonato di futbol femenino, p’e motibo cu Milly ta seleccionado di Softball y futbol lo tin hopi risico pa haña golpi vooral na pia. Despues Milly tawata por a forma parti di e ekipo di RCA. E tempo akinan futbol femenino tawata hunga mitar veld so y akinan Milly a cuminsa hunga como delantero, y mes aña a coy campeon y a ricibi premio di Mihor Delantero Division Adulto Damas 2010/2011.

Te cu dia di awe Milly ta forma parti di ekipo di RCA hungando e posicion di Delantero y ta capitan di e ekipo aki. Den e ultimo aña nan Milly a cuminsa dedica mas na futbol, y a hasta forma parti di un tryout na Houston Texas cu un Pro Soccer Team esta Houston Dash.

Milly ta bestuurslid di RCA como tambe ta coach pa damitas di 4 aña bai ariba.

Un soño di Milly ta pa simplemente crea mas oportunidad pa damas den futbol, tambe pa reconoce futbol femenino den nos comunidad y mas cu claro hisa e nivel y interes den futbol femenino. Milly ta kere den “Actie is reactie”, tur loke nos ta trata na cumpli cun’e awor lo prevalece despues.

Premio Individual

2010-2011 Mihor Delantero

2013-2014 Mihor Delantero

2014-2015 Hungador mas Disciplina

2016 Hoben y Talentoso, Atleta Futbol y Softbal