Player Profile

Shaquianne Paesch

Estrella Defender

Nationality : Dutch
Date Of Birth : 25 Janaury 1998
Height :1.54 m
Weight :55 kg

Shaquianne su motivacion mas grandi ta e momento (cu apenas 7 aña) su ruman homber a acerc’e y bis’e cu e por hunga futbol mihor cu e mucha hombernan den su team. Asina Shaquianne a cuminsa practica e deporte di futbol y te na aña 2008 Shaquianne a forma parti di un ekipo oficialmente. E tempo ey no tawata tin team di damas den su liga ainda. Shaquianne a cuminsa hunga pe e ekipo di S.V. Sportboys cu nr # 11 riba su camiseta.

Shaquianne tawata hunga den Lifida A, B, y asta tin ora den Lifida Menor, pero cu permiso di su contricante.

Na aña 2010 coach Roberto Geerman a aserca Shaquiannei p’e hunga pa Britannia Damas infantil y hubenil y mirando cu damas y Lifida no tawata cai bou di e mesun liga, Shaquianne tawata hunga pa 2 ekipo pareu.

Di dialuna pa diahuebs Shaquianne tawata bai trainingnan di Sportboys y Britannia. Den weekend (cu e weganan tawata tuma lugar), Shaquianne tawata hunga prome wega pa Sportboys y despues e tawata hunga e siguiente wega cu su ekipo di Britannia. Cu su 14 aña Shaquianne mester a stop di hunga pa Sportboys dor cu damas ta yega te cu Lifida B.

Mirando cu su transporte a bira dificil p’e por a yega na veld di Britannia, Shaquianne a tuma e decision pa transfer pa S.V. Arsenal na aña 2010.

Den su di 3 aña debutando pa e ekipo di Arsenal (durante un torneo amistoso), Shaquianne a tuma e curashi di ta capitan pa prome biaha y desde e tempo ey e ta fungi como capitan.

Durante tur su añanan hungando futbol, Shaquianne a gana hopi experencia. Ela a atende varios camp di futbol manera Soccer Academy of las Americas Real Madrid – Miami, conhuntamente cu Aruba Soccer Foundation (ASOF) (na aña 2010) y KNVB WorldCoaches VoetbalKamp 2011. Na aña 2016 Shaquianne a bai cu su ekipo di Estrella Damas rumbo pa Colombia, p’asina intercambia practica. Fuera di esey, Shaquianne a hunga contra diferente ekipo nan di Colombia manera e.o. Bello, Deportes Quindio y Formas Intimas (di cual ta e mihor ekipo professional di damas na Colombia).

Den su carrera futbolistica Shaquianne tawata tin hopi idolo cu tawata inspir’e y motiv’e, e.o. Martha Da Silva di Brazil y Mia Hamm di USA. No solamente riba tereno Shaquianne tawatin idolo pero tambe e tawata admira su President di S.V. Sportboys Sra. Soraida Boekhoudt, un ser femenino cu hopi determinacion y amor pa su ekipo.

Actualmente Shaquianne ta capitan y representante di S.V. Estrella Damas. Den e forma aki Shaquianne ta engrandece su amor pa futbol dor di sostene y gradici tambe AVB pa bin cu un Liga di Damas, p’asina brinda oportunidad e damasnan pa hunga na un edad mas jong, cual antes no tawata e caso.