‘Football for Friendship’

Delegacion di Aruba di bishita serca Minister di Deporte Sr. Dangui Oduber

Ayera e delegacion di Aruba cu lo bai participa na e ‘Footbal for Friendship Children’s Social Program’ na Moscow-Russia, a realisa un bishita serca Minister di Deporte Sr.Danqui Oduber. Representante di Arubaanse Voetbal Bond Sra. Paula Engelen, a splica Minister di e programa y e preparacion pa cu esaki y a introduci e delegacion cu ta consisti di young football player Jahmani Eisden, young journalist Sheqayli Ascencion, coach Sr. Edgar ‘Gachi’ Erasmus y head of delegation Sra. Monique Ras. Minister a keda contento cu e bishita y impresiona cu e dos hobenan Sheqayli y Jahmani y ta satisfecho cu Aruba ta asina bon prepara pa participa na e evento aki y ta convenci cu lo bai pone Aruba su nomber briya na Russia. Minister a desea e hobenan tur clase di exito y for di awor a felicita nan caba pa nan tremendo representacion pa nos Pais Aruba na Moscow- Russia.

 

Leave a Reply